Sainik School Kunjpura mein 15 divasiya Hindi Pakhwada–2026 ke antargat, antarsadaniya kavya-paath, bhashan evam vaad-vivaad pratiyogitaon ka bhavya aayojan hua. Karyakram ke mukhya atithi Pradhanacharya Captain Gurbeer Singh ne kaha ki Hindi karyalayee karya-vyavahar ki bhasha hone ke saath-saath rashtra ko jodne wali sampark bhasha tatha hamari samajik-sanskritik asmita hai. Vishisht atithi Shri Dheeraj Sharma (Sanyukt Nideshak, Rajbhasha, NDRI) ne vidyarthiyon ko Hindi ke adhikadhik prayog ke liye prerit kiya.

Ati Kanishth Samvarg ki kavya-paath pratiyogita mein Shakargarh Sadan ke Vatsalya ne pratham, Chhamb Sadan ke Tejas ne dwitiya tatha Shakargarh Sadan ke Krishnanand Shukla ne tritiya puraskar prapt kiya. Chhamb Sadan ki Swarajnali ko santvana puraskar mila. Kanishth Samvarg ki bhashan pratiyogita mein Thaneshwar Sadan ke Naveen Raghav ne pratham, Panipat Sadan ke Saubhagya ne dwitiya tatha Chillianwala Sadan ke Ansh ne tritiya sthan prapt kiya. Varishth Samvarg ki vaad-vivaad pratiyogita mein Thaneshwar Sadan ke Prince ne pratham, Kurukshetra Sadan ke Jagminder ne dwitiya tatha Chillianwala Sadan ke Shaurya Godara evam Adhiraj ne tritiya sthan hasil kiya.

Sanyojak Shri Abhinav Pandey tatha Sah-Sanyojak Shrimati Renu Kamboj ne karyakram ko safal banaya.

Hindi Pakhwade ki in pratiyogitaon ne vidyarthiyon ko apni srijanatmakta, vaktritva aur tarkik kshamata pradarshit karne ka manch pradan kiya!

Jai Hind